全文如下：
「大家好。早前我发咗一个关于我公司同埋我健康嘅声明，引起咗好多朋友嘅关心亦引起好多嘅猜测。基于公司嘅事情系会如常运作，希望可以好好咁处理再次交代，唔想影响太多人。
今日我想讲一下我自己嘅问题。大家平时见到我大癫大肺、拍搞笑戏、开channel拍片、开演唱会，表面上好似无嘢咁。其实咁多年黎我都仲系一个唔识得面对压力同埋唔成熟嘅人。仲记得2000年我因为喺飞机醉酒闹事，引致好多我嘅fans失望，仲有影响到我嘅家人，后来我决心戒咗酒，想要做一个清醒嘅人。之后喺无向公众交代情况下，我经历咗一段好短嘅婚姻，呢段婚姻令到我好唔开心，亦好好咁反省过自己嘅问题。
直到我遇到我太太余思敏小姐，系佢令我觉得我要走入另一个人生阶段嘅人。我哋一起组织咗一个家庭，有两个小朋友，喺一件好幸福嘅事。但当面对压力、面对工作、面对人嘅时候，原来我自己嘅问题系无彻底解决到，好多嘢我都未能做到好好去沟通，好多嘢我都无处理好，令家人失望。
喺搞笑、娱乐大家嘅背后，系朋建议下去咗睇医生，发现咗有抑郁症，当时靠食药控制，然而我再次做咁个错误决定，选择咗饮酒去逃避现实，太太都有同我讲，我系自己呃自己。压力终爆煲，用咗呢几日时间好好反省自己，工作忙唔系借口，唔识沟通就要去学识沟通，我觉得好对唔住我屋企人，尤其是我太太同仔女，对唔住！ 我会用时间同行动去证明我会努力做好丈夫、爸爸同郑中基既呢个决心。
接下来我要去解决自己同公司嘅问题，我完成手上嘅工作后，会去美国参加戒酒中心嘅疗程，都50几岁嘞，我要去谂清楚点样去面对自己，然后先可以面对大家，我希望返黎之后可以做一个更好嘅自己。呢几日占用咗大家嘅时间同埋媒体版面，好对唔住，我希望自己嘅问题真系可以自己去解决，多谢。」
點擊閱讀下一則新聞
